„დარეკე ზარი გენდერული თანასწორობისთვის“

„დარეკე ზარი გენდერული თანასწორობისათვის“ ინიციატივა კერძო სექტორში გენდერული თანასწორობის შესახებ ცნობადობის ამაღლებას ემსახურება. კერძო სექტორი ერთ-ერთი ყველაზე სერიოზული მოთამაშე შეიძლება გახდეს, რომელიც შეძლებს დააჩქაროს ქალების გაძლიერება და დაძლიოს გენდერული უთანასწორობა როგორც სამუშაო ბაზარზე, ასევე ეკონომიკასა და ზოგადად საზოგადოებაში. აღნიშნული ინიციატივა ეხმიანება 2015 წელს გაეროს სამიტზე მსოფლიო ლიდერების მიერ მიღებულ „სამოქმედო გეგმას ადამიანების, პლანეტისა და კეთილდღეობის შესახებ“, რომლის მნიშვნელოვან კომპონენტს ქალების გაძლიერება წარმოადგენს.

ინიციატივაში „დარეკე ზარი გენდერული თანასწორობისათვის“ ერთ-ერთ პანელისტად მიწვეული იქნა ჩვენი დამფუძნებელი საბჭოს წევრი, ასევე „ლეტერატოს“ დამფუძნებელი და დირექტორი თამარ რაზმაძე, რომელმაც ქალების გაძლიერებისა და გენდერული თანასწორობის საკითხებზე ქალების კონკურენტუნარიანობის ზრდის, კერძო სექტორში მართვის სისტემების გაძლიერების და ქვეყნის დონეზე მენტალური ცვლილებებისა და სტერეოტიპების მსხვრევის აუცილებლობის ჭრილში ისაუბრა.